KTP Gen Conf zaninah a tiak ang

Mizoram Presbyterian Kohhran  Thalai Inkhawpui Vawi 58-na Serchhip Leisekawt Field a neih mek chu zanin hian a tiak dawn ta.

Dt 27thFeb -1st March  chhung ,Serchhip Leisekawt Field a  KTP Gen Conference Vawi 58-na  neih mek  zanin hian a tiak dawn ta  a. nizan atang khan  Inkhawmpui thupui  chu ‘Felna Hriamhrei’(Rom 6:13) tih chu Speaker Rev R Lalrosiama,Field Secretary,Delhi Mission Field  hnen atangin ngaihthlak niin vawiin chawhma leh chawhnu inkhawmah  Inkhawmpui thupui  hi ngaihthlak leh  niin, Zanin Pathian Biak Inkhawmah  CKTP Leader kalchhuak  Rev.Dr  K Lallawmzuala hnen atangin  Pathian thuchah ngaihthlak ani ang.

CKTP hnuaiah hian  Pastor KTP Bial 206 (Ramchhungah 192 leh rampawnaah -15) Branch KTP hi 879 (ramchhungah = 831 leh rampawnah-48) awmin ,KTP Members-154441 (Mipa-95729 ,Hmeichhia-58712 an awm mek a,Member tamna  ber Bial hi Ramhlun North Bial niin Member  2370 an awm a,Member tlemmna ber Bial hi  Buarpui Bial niin Member 41 an awm a, Member tamna ber Branch hi  Mission Veng Branch niin Member 1536 an awm a,member tlemna ber Branch chu  Peren  Branch (Kohima Bial) niin member 3 an  awm mek  ani.

KTP Gen Conference Vawi 58-na hmang tur hian Palai  28000 chuang ten  Serchhip thleng zelin vawiin lamah palai engemawzat  in lehlangin Inkhawmpui hi an chhim  bawk a, Inkhawmpui Palai  zawng zawng hi  mi  30000 chuang  an tling chho  tura ngaih  a ni.

KTP Conf  thlengtu Serchhip khawpui a Pastor Bial pathumte  hian Organising Committee hnuaiah  Sub Committee hrang hrang 9 dinin Conf Budget pumpui atan hian Rs nuai 70  ruahman  ani a, sawrkar hnik buai lova  kalpui nise tih a anih leh hnuah Nuaih 60ah tihhniam leh nimahse Sub Comtt hrang hrangte  Budget erawh tihniam sak annilo a, inremchem deuh tur  tih anni thung a ni.