58th KṬP General Conference 2020 Rorel Inkhawm tluang taka neih a ni

Posted by on
Vawiin (Feb 29, 2020) khan Serchhip Kawnpui Kohhran Biak Inah KṬP General Conference Vawi 58-na Rorel Inkhawm neih a ni a. He rorel inkhawmah hian palai 1,104 an kal.

Thurel te –


  1. General Conference Vawi 60-na (Diamond Jubilee) lawmna programme siam ni rawh se.
  2. KṬP General Conference leh KṬP Rorel Inkhawmah hian Youth Recreation Centre (YRC) pualin bawm dawh ṭhin ni rawh se.
  3. YRC Budget kan kalpui mek, member pakhat zel chhuta kan pek ṭhin hi chhunzawm zel ni rawh se.
  4. YRC puala inkhawm ṭum khat thawhlawm lakkhawm hi a ṭha e, kan ti.
  5. Chhawmdawlna puala inkhawm ṭum khat thawhlawm lakkhawm leh ni rawh se.
  6. Hospital Charity Fund pualin inkhawm ṭum khat thawhlawm lakkhawm ni rawh se.
  7. Rampum huapin chawngheia ṭawngṭai rual neih ni rawh se.
  8. HIV/AIDS darh zel tur venna kawnga hmalak chhunzawm zel ni se kan ti.
  9. KṬP General Conference thlengtu pualin KṬP inkhawm ṭum khat thawhlawm lakkhawm ni rawh se.
  10. Kumpuan Thupui hi ṭum li (4) zir tura buatsaih ni tawh rawh se.
  11. KṬP kum puan thupui atan ‘Kristian Chhungkua’ (Joshua 24:15) East Lungdar Venghlun Bial leh Lungpho Bialte rawn thawh chu thlan a ni.
  12. Ram, khawtlang leh Kohhranah ṭhalaite pawimawhna inzirtirna CKṬP in buatsaih rawh se.
Upa Lalmuanawma, Finance Secretary in Budget a pharh a, Kum 2020-2021 Budget atan  ₹20,87,000 (KṬP pual bik budget head) leh Synod aṭanga KṬP puihna ₹39,19,000 nen belhkhawmin ₹60,06,000 chu pawm a ni.

Kum 2024 General Conference chu Ngopaah neih a ni dawn a, Ni 29 Feb - 3 March 2024 chhungin neih a ni ang.

Comments

Post a Comment